Вострая тэма. Цікавыя камэнты. Але ж неадступна зудзіць пытанне - А чаму ж па-руску?! Да, згодна, большасць насельніцтва Беларусі чытае выключна па-руску. А чаму? Да ўсё проста - ёсць такая магчымасць. Знешне гэта выглядае як "выбар", але на самой справе, такога выбара няма. Ён быў бы, калі б артыкул был напісаны па-беларуску і прадубліраваны па-руску. А зместа па-беларуску няма, а гэта значыць, што і выбара няма (я б і хацела прачытаць па-беларуску - а дзе возьмеш?) Ды і што тычыца аўдыторыі інтэрнэт-прасторы - ці шмат з карыстальнікаў не ведаюць, што такое Google-перакладчык, ці не карыстаюцца ім і іншымі падобнымі? А беларуская мова там ёсць, так што, тым, хто аб'ектыўна не ведае беларускае мовы, ці прынцыпова на ёй не чытае - Google у дапамогу!
Неяк горка... Не, мне не цяжка папрасіць у краме хлеб па-беларуску, і нават, яго дадуць... А вось, напрыклад, аддаць сваю дачку ў беларускамоўны дзіцячы садок я не магу. Таму што няма ў нас такіх! У сталіцы, магчыма, ёсць, а ў нас - няма. І асобных груп беларускамоўных няма. А я хачу, вельмі хачу, каб мая дачка не проста ведала беларускую мову, але і карысталася менавіта ёй ў паўсядзённым жыцці! Толькі ў сям'і, нажаль, прывіць гэта нельга (я сама і мая сям'я - рускія :) ) Ды і як растлумачыць дзецям, што вакол размаўляюць выключна на расейская мове, а яны пры гэтым - па-беларуску? Да, а пры гэтым у нас намінальна 2 дзяржаўныя мовы. Рэальна - адна, нажаль. Для большасці, і першую чаргу, для нашых дзяцей, самавызначэнне пачынаецца не з аналізу гістарычных фактаў, а з паўсядзеннасці, з таго, што чуюць і бачаць. А вось ШТО яны будуць чуць і бачыць, залежыць ад кожнага з нас. Ш калі арыентавацца менавіта на тое, што ўспрымае "большасць", чуць нашы дзеці будуць толькі расейскую мову (англійскую, польскую, etc), і асамтойваць сябе з рускім народам :(

[QUOTE]Berkana13 пишет: А вось, напрыклад, аддаць сваю дачку ў беларускамоўны дзіцячы садок я не магу. Таму што няма ў нас такіх!”

Затое ў Гданьску плануецца адкрыццё беларускамоўнага ліцэя ((( Як кажуць, хочаш ведаць родную мову – едзь за мяжу!

[QUOTE]Berkana13 пишет:
Але ж неадступна зудзіць пытанне - А чаму ж па-руску?!


Шаноўная Berkana13, сэрцам я разумею вашае недаўменне. Але ж мы стараліся сыходзіць з аб’ектыўнай рэальнасці. Наш партал – рускамоўны. Але мы, яго стваральнікі – беларусы, і выказаць свою асабістую любоў да роднай мовы і заклапочаннасць яе лёсам нам таксама неяк хочацца. Па-першае, арыгінальныя творы (проза, паэзія) мы плануем размяшчаць на партале ў адпаведных рубрыках, сёе-тое там ужо ёсць, то бок, хто любіць беларускую літаратуру, хто піша празаічна-паэтычныя творы на мове, хто хоча сваім словам зрабіць нейкі ўнёсак у адраджэнне мовы – калі ласка, далучайцеся, будзем вельмі ўсцешаныя! Дадзены ж артыкул напісаны студэнтам-хімікам, які толькі вывучае мову, і напісаны не пра мову выключна, а наогул пра тое, кім мы, беларусы, самі сябе адчуваем. Ды й мы тут, у рэдакцыі, не беларускамоўныя філолагі, каб добра рэдагаваць беларускамоўныя артыкулы і пакуль спрабуем нешта рабіць з таго, што маем, што самі можам, так бы мовіць. Іншая справа, калі ў будучым у нас з’явяцца выключна беларускамоўныя аўтары, сапраўдныя спецыялісты ў пытаннях мовы і беларускай культуры наогул, якіх сапраўды варта і размяшчаць у “арыгінале”, і дубліраваць.
І яшчэ, Berkana13, беларускамоўныя беларусы, прынамсі, яны ж і без таго выдатна разумеюць, як важна чалавеку ведаць сваю мову, свае карані, што значыць ганарыцца сваім, родным, але іншая справа (і ў гэтым ёсць вялікая праблема, на наш погляд), што многія беларусы проста пра гэта не задумваюцца, як і я калісьці, як і наш аўтар і яшчэ шмат хто. Таму вось і хочацца быць максімальна зразумелымі і, калі хочаце, максімальна натуральнымі, шчырымі, не штучнымі то бок. Да таго ж у нэце, мне здаецца, як раз хапае беларускамоўных сайтаў, калі ўжо нехта мае патрэбу размаўляць ці чытаць выключна па-беларуску. Такі чалавек проста не будзе чытаць наш партал :) Таксама выбачайце за памылкі друку :)